● مـنـاقشة درآما ~ Two Weeks ●

مساء الخير، معاكم المُترجمتين ميرو و إكـرام

النهارده هَنكمل مناقشات الدرامات اللي بتتعرض و هناقش دراما "أسبوعان"، معلش لو أتأخرنا عليكم في المناقشة بس كان عندنا ضغط كبير، المهم أنا هاقول مُلخص سريع كدا عن قصة الدراما

المسلسل بيتكلم عن "جانغ تاي سان" اللي هو القمر "لي جون كي" و هو واحد طيب جداً عاش حياته بلا معنى ووحيد .. معندوش حد "بس انا معاه ما تقلقوش كتير " أمه انتحرت وتركته -_- أتنشأ في الملجأ مع صديقه ( مان سوك ) الي بيشاركه نفس الغرفه

الاهم إن "جانج تاي سان" إلتقى إمرأة  وهي "إن هي" تعمل عروض فى الشارع،  وأحبُّـوا بعض كثير ♥♥ في يوم علمت "إن هي" انها حامل .. طبعا الرئيس "مون" هدد "جانج تاي سان" بقتله لـ "إن هي" لو ما دخل السجن بداله .. فطلب "تاي سان" من حبيبته إنها تجهض الجنين خوفا عليها منهم 

بعد سنين إكتشف البطل  إنه عنده بنت (حبيبته ما عملت إجهاض) و إنها مريضة و عندها سرطان دَم و لازم إنه هو يتبرع لها  بالنخاع عشان تخف... و إتحدّدت العملية بعد أسبوعين و من هنا أدركنا العنوان.. بس للأسف بيُـتهم ظلم إنه قتل واحدة و كمان مع مرور الأحداث بيتم إتهامه إنه قتل صاحبه و بيفضل هربان عشان ينقذ بنته

بصراحة أنا مش من النوع اللي بحب الدراما الأكشن خالص بس المسلسل دا جنني بجد فظييع
(وأنا كمان حصل معايا كده في المسلسل ده و مسلسل طبيب جيّد... إكرام)

"لي جون كي" صعبان عليّ جداً و حاسة إنه عمل مجهود كبير في المسلسل .. كل الحلقات اللي فاتت دي هربان من منطقه لمنطقه و شرّ الرئيس "مون" و الست السياسية دي مش طبيعيين ... 

(إتمنيت أقتلهم بجد)

طبعاً اللي حصل في الحلقه 7 و 8 هو اللي بيحصل في كل الحلقات اللي فاتت.. "تاي سان" هربان على طول و واجع قلبنا معاه

بس أنا المشهد في الحلقه  6 لما راح للبنت المستشفى ده خلاني بأموت من العياط.. البنت الصغيره دي بتمثل حلو أوي مُتقنه الدور جداً حتى لما بيتهيأ له إنها قدامه و بيقعد يتكلم معاها بتبقى عسوله أوي و هوا كمان عسول جداً.. (أكيد عسول... ده هوالجمال بنفسه )

أثرت فيّ كثير الجملة لما قال "بيضحكوا عليَّ عشان أنا طيب" بيخلي قلبي بيتقطع عليه كل حلقه... 

(إن شاء الله تيجي فيّ أنا و مش فيك... قلبي مش بيتحمل خلاص )
و كمان آخر الحلقه 8 لما الست الشريره إتهمت المُحققه إنها متواطئه معاه، إيه السّت دي
و على فكرة أنا شاكة إنه الولد اللي بيشتغل مع المُحققه هو اللي بينقل أخبارها للراجل "مون" الشرير ده

و كله كوم و الظابط خطيب "إن هي" ده كوم تاني، طيب جداً جداًَ و أنا حآسة إنه غيران من "تاي سان" اللي أنا متأكدة إن "إن هي" لسه بتحبه وإنه لسه بيحبها بس على قدر ماهو غيران منه على قدر ما هو عايزه يعيش عشان عملية البنت الصغيره...

عايزين أرآكم في المسلسل معانا
على فكرة حبيت أشكر صديقتي الحبيبة و عاشقة لي جون كي، "عائشة" عشان ساعدتنا في الملخص

يلا إنطلاق، عارفين إنه المدونّة هتتقلب، ولا "جون كي" ما يستاهلش!!!؟  

كانت معاكُم ميرو و إكرام من قلب الحدث ^^