● مـنـاقشة درآما ~ The Master's Sun ●

أنيونغ ~ 

معكُـم ميرو مترجمة جزء من دراما "شمس السيد" .. هنا هــ يبقى موضوع لمناقشة الدراما
و مناقشة تطورات كل حلقه فيها وطبعاً عايزين أرائكم...

هبدأ الأول بقصة الدراما اللي بتحكي
عن "تاي جونج شيل" اللي بعد لما إتعرضت لحادثة بقيت بتشوف الأشباح و عن طريق الصدفة
إكتشفت أنها لما تلمس "جو جونغ" "سو جي سوب" بتبعد عنها الأشباح...

طبعاً المسلسل مش بأحس إنه رعب خالص ما أعرفش في حدّ زيي ولا أنا لوحدي اللي بحس كدا 

لكن المسلسل فيه كل حاجه 

من وجهة نظري إنه جمييييل، فيه رومانسيه حلوه كدا لسه في أولها و فيه كوميديه تحفه أووووي

بيموتني من الضحك وخصوصاً جملة "سو جي سوب" الشهيرة اللي كل شويه يقولها لها "أغربي عن وجهي"  

الحلقتين اللي فاتوا (أي الحلقة 5 و 6 ) كانوا تحفه بمعنى الكلمه، واضح جداً إنه "سو جي سوب" 
بيحبها و بيغير عليها كمان من "كانغ وو" 

وواضح إنه "تاي ريونغ" بتحب "كانغ وو" 

يعني الموضوع ما بقاش مثلث حب دا بقى مربع ملعبك بس المشكله إنه "جونج شيل" عاجبها حب "كانغ وو" المُزيف ليها 

اللي للأسف قلب بجدّ... أنا شاكه إنه إبن أختها بيشوف أشباح زيها 

مش عارفه هل دا فعلاً و لا لأ.. لكن الولد كان بيتكلم مع الأشباح الصغيرين، 

وكمان خوفي من كلام السِـتّ اللي بتجوز الأشباح لما قالت ليها تخاف من الأشباح 

عشان بيستغلوا الفُـرص .. ياترى قصدها إيه بالكلام ده؟!!  

مناقشة الحلقة 7 و 8

ومن جديد نقول مساء الخير، معاكم المُترجمه ميروو طبعاً
النهارده إن شاء الله هنكمل مناقشة دراما "شمس السيد" 
إيه اللي بيحصل في الدراما دا المسلسل بقى فظييع أوي .. الحلقتين اللي فاتوا دول كانوا
حلويين جداً .. وحصل فيهم شوية حاجات من الآخر
بسم الله ... نبدء المشاهد الجامدة أولاً طبعاً أنا عاجبني جداً أنو السكرتير بتاع
"سو جي سوب" بيظبط لهم الجو .. الراجل دا سُكرّة عمل نفسه مريض عشان تبقى "جونج شيل" جنبه
و تبقى معاه على طول .. يا لهوي على المشهد لما كانوا في الإجتماع وساب كـــل الناس و راح لها
لما حسّ إنه في شبح جنبها ♥ قلبي يا ناس آآآه و كمان لما كان مبسوط إنه معادها مع "كانغ وو" ما تـمّش
يخرب بيته عسل وطبعاً المشهد و هي بتشوف من التلسكوووب .. قلبي وقف ساعتها .. كــل دا حاجة و آخر مشهد في
الحلقه حاجة ثانية خاااالص .. لما حطت ايدها على قلبها و قالت إنه الرادار إلتقط حاجة و كمان لما حطت إيدها على قلبه و قالت له إنت مش حاسس بحاجه وقالها إنتي فاكراني مصنوع من الرخام .. فعلاً آآآه قلبي، إلحقوني يا ناس هايموتوني بالسكتة
طبعاً كل دا كووووم و جملة "أغربي عن وجهي" "كوجو" دي حكاية ^_^ خلاص الناس كلها بقيت حافظاها و بتقولها
و منهم أنا طبعاً لما بيعمل الحركة بتاعت إيده .. بعملها زيو بالظبط
أما بقى الحلقه 8 و اللي حصل فيها كانت حلقه جاااااامده هي طبعاً واقعة في حب "سو جي سوب" واقعه سودة
<<< "قال يعني مش تلات أرباع البنات بيحبوه "
هو كمان بيحبها أوي و اللي بيعملوه دا إسمو إستهبال .. أنا بقى "كانغ وو" و "تاي ريونغ" حكاية ثانية
أنا نفسي يحبها مثل ما هي بتحبه .. لايقين على بعض .. لأ وكمان مشهد المترو لما غنت له .. كانت عسولة
و هو كمان عسول و تقيل كدا ♥ نرجع بقى لـ "جي سوب" شفته لما مسك إيدها قدام الموظفين
أنا قلبي وقف يا ناس حرام عليكو اللي بتعملوه فيّ دا و لا لما كانت بتكلمه في التليفون و قالها أنا وراكي
إنت مش ممكن بجدّ هو إيه دا طبعاً !! 
الكاتبتين "الأختين هونج" دول مُبدعتين كالعادة .. بصراحه كل دراماتهم
كدا جامده و فيها حاجه مميزة .. لأ و عاجبني كمان قصة حب أختها اللي هاتبدء مع الموظف زميلها 
أنا بأحب أوي لما يكون في أكثر من قصة حب في الدراما 
بتبقى جميلة و خفيفة .. دلوقتي أنا خايفة تكون "هي جو" هددتها بحاجه لما جات لها في المكتب .. 
شكلها كدا كانت خايفه لما دخل المكتب ولقاها واقعة عالأرض، ربنا يستر بقى ،،  
 يلا بقى قولوا لنا رأيكم في حلقتين الأسبوع ده ... خلونا نتناقش سوا
وبجد شكراً لكل الناس اللي تفاعلوا معانا

المترجمة : ميـــرو